!

سڵاو ناکه‌م نه‌وه‌ک فریایی خوا حافیزی نه‌که‌وتین.. دوا به‌ دوای ئه‌وه‌ی که‌ قه‌شمه‌ر ئاوایی کۆن تووشی قه‌یران و له‌ت بوون و شه‌ق بوون بوویه‌وه‌.. ئه‌وا به‌ تێکڕای ده‌نگ دیکتاتۆری قه‌شمه‌رئاوای کۆنمان جێ هێشت و ده‌ستمان کرد به ئاوه‌دان کردنه‌وه‌ی قه‌شمه‌رئاوای نوێ..
دوا به دوایی کونگره‌ی 12 له‌ سه‌ر 13 و 13 له‌ سه‌ر 14ی قه‌شمه‌رئاوای تازه‌ ئه‌م‌ به‌ندانه‌ی خواره‌وه‌ به تێکڕای ده‌نگ په‌سند کرا و بوو به پرنسیب و به‌رنامه‌کانی داهاتوو هێزی گه‌لی قه‌شمه‌رئاوای تازه‌.

قه‌شمه‌رئاواییه‌تازه‌کان روویان هێناوه‌ له‌ زمانی ته‌نز و به هیچ شێوه‌یه‌ک زمانی جوێن که‌ نیشانه‌ی که‌م و کورتی ده‌روونی مرۆڤه‌کان ده‌سه‌لمێنێت، به‌کار نایه‌نن‌..

یه‌کێک له‌ ئامانجه‌ سه‌ره‌کیه‌کانی کونگره‌ هه‌ڵبژاردنی به‌ڕێز کورده‌گیان وه‌ک قه‌یخای ئاوایی به تێکڕای ده‌نگی قه‌وم قیله‌که‌ی، که‌ ئیراده‌ی په‌سه‌ند کراوی گه‌له‌..

قه‌شمه‌رئاوای تازه‌ کومیته‌یه‌کی ناوه‌ندی ده‌بێ بۆ هه‌ڵبژاردن و یان لا بردنی بابه‌تێک یان کامنتێک، که‌ تێیدا تیرۆر کردنی که‌سایه‌تی که‌سێکی دیاری کراوی تێدا بێت..

قه‌شمه‌رئاوای تازه‌ سنووری هه‌موو شتێک وه‌ک حیزبایه‌تی، ره‌گه‌زایه‌تی، شێخایه‌تی، مه‌لایه‌تی، سۆفییایه‌تی، ده‌روێشایه‌تی، به‌گایه‌تی و عه‌یبایه‌تی و ........ ده‌به‌زێنێت.

قه‌شمه‌رئاوای تازه‌ دروشمی سه‌ره‌کی خۆیی یه‌عنی" دونیا یانێ قسه‌ی قۆڕ، باقییه‌که‌ی تڕه‌هاته‌" ده‌گۆڕێ به "دونیا یانێ تڕه‌هات، باقییه‌که‌ی قسه‌ی قۆڕه‌". هه‌ر وه‌ها هیواداره‌ به‌م درووشم گۆڕینه‌‌ به‌ره‌و دونیای مودڕنیزم هه‌نگاو هه‌ڵێنێت..

قه‌شمه‌رئاوای تازه‌ ریفورم و مانیفست و ره‌خنه‌ و پێشنیار قه‌بوول ده‌کا ئه‌ڵبه‌ت دوای ئه‌وه‌یی که‌ کومیته‌ی ناوه‌ندی رای له‌ سه‌ر بدات و قه‌یخاش په‌سندی بکات.

ئه‌گه‌ر ده‌تهه‌وێ ببیت به ئه‌ندامی قه‌شمه‌رئاوای تازه‌ و ده‌ست بکه‌یت به نووسینی بابه‌ت، ده‌توانی ئیمه‌یله‌که‌ت به‌م qeshmer2@mail.com  بنێری تاکوو ناز ناو و وشه‌ی تێپه‌ڕ بوونت بۆ بنێرینه‌وه‌... .


به‌ سوپاسه‌وه‌ لیژنه‌ی به‌ڕێوه‌به‌رایه‌تی کونگره‌ی ژوماره‌12 له‌ سه‌ر 13 و 13 له‌ سه‌ر 14ی قه‌شمه‌رئاوای تازه‌..